Rossiyada koronavirus yuqtirib olganlarning umumiy soni 10131 nafarga yetdi. Ular mamlakatning 81 ta hududda qayd etilgan. Kasallikdan 700 kishi tuzalgan, 76 kishi vafot etgan. Bu haqda “DARYO” xabar berdi.

Ma’lum qilinishicha, Rossiyaning 50 ta hududida o‘tgan bir sutka ichida 1459 kishida koronavirus aniqlandi, 13 kishi kasallikdan vafot etdi, 118 kishi tuzalib, kasalxonadan chiqdi.

Yangi holatlarning katta qismi Moskvada qayd etilgan, shaharda bir sutka ichida 857 kishi infeksiyaga chalingani aniqlangan. Moskva viloyatida 199 ta yangi holat qayd etilgan. Kasallik qurbonlarining 7 nafari Moskva shahrida, 3 nafari Moskva viloyatida, 2 nafari Sankt-Peterburgda, 1 nafari esa Perm o‘lkasida qayd etilgan.

Avvalroq Rossiya Federal tibbiy-biologik agentligi rahbari, sobiq sog‘liqni saqlash vaziri Veronika Skvorsova mamlakatda COVID-19 koronavirusi infeksiyasi 10-14 kundan keyin o‘zining eng yuqori cho‘qqisiga chiqishini ma’lum qilgan edi.

Ma’lumot uchun, Qozog‘istonda koronavirus bilan kasallanganlar soni 759 kishiga yetdi  AQSh koronavirus qurbonlari soni bo‘yicha dunyoda ikkinchi o‘ringa chiqdi. Qo‘shma Shtatlarda koronavirus bilan kasallanganlar soni 432 ming kishidan oshgan, 23 ming kishi davolanishga muvaffaq bo‘lgan.